Հովակիմյան Լաբ-ը հիմնադրվել է Հայաստանում 2005թ-ին: Ի սկզբանե համոզված լինելով, որ յուրաքանչյուր մարդ արժանի է յուրահատուկ վերաբերմունքի, մենք որդեգրել ենք անհատական մոտեցումը որպես ծառայություն մատուցելու աշխատելաոճ: Հետևաբար, ներդնելով մեր գիտելիքները և բազմամյա փորձը, գլխավոր նպատակ ենք ունեցել բարելավել մեր այցելուների կյանքի որակը՝ վերականգնելով նրանց ծամողական ֆունկցիան և շնորհելով նրանց գեղեցիկ ժպիտ:
Մեր Դենտալ Ստուդիան
Ժամանակակից հասարակությունն իրազեկված է ատամների հետ առնչվող էսթետիկական խնդիրներին և տեղեկացված է նրանց նորագույն լուծումների մասին: Ընդառաչելով մեր այցելուների պահանջներին և ճիշտ ընկալելով ժամանակի հրամայականը՝ մենք ստեղծեցինք մեր Դենտալ Ստուդիան, այդպիսով զարկ տալով գեղագիտական ատամնաբուժության զարգացմանը Հայաստանում: Մեր Դենտալ Ստուդիան կահավորված է հատուկ ինտերիերով, ճիշտ լուսավորությամբ և լուսանկարչական սարքավորումներով, որը թույլ է տալիս ճիշտ ախտորոշել այցելուի գեղագիտական խնդիրները և դրանց լուծումները, ինչպես նաև ապահովում է գույնի անշեղ ընտրությունը (shade sellection) օրվա ցանկացած ժամի:
Դենտալ Ստուդիայի սպասարկման հիմքն անհատական մոտեցումն է: Ըստ նախապես ատամնաբույժի հետ ձեռք բերված ժամադրության, մեր ստուդիայում կընդունենք այցելույին, կլսենք նրա գանգատը, մտահոգությունը, ցանկությունները և պատկերացումն իր ատամների և, ընդհանուր առմամբ, իր ժպիտի հետ կապված: Կլուսանկարենք նրա դեմքը և ատամները, կվերլուծենք նրա ժպիտը և դեմքի առանձնահատկությունները, որից հետո կպատկերացնենք հետագա պատրաստվող ատամի կամ ատամնաշարի ձևը: Հարկ եղած դեպքում, նախնական գիպսային մոդելների վրա մոմով կվերականգնենք ատամնաշարն ամբողջությամբ կամ հատվածաբար՝ ցույց տալու այցելուին ակնկալվող հավանական արդյունքը (DIAGNOSTIC WAX UP): Կընտրենք ատամի գույնը՝ օգտագործելով նեղ մասնագիտական գունային սանդղակները (shade guide), որոնց շնորհիվ մենք կստանանք ատամի ցանկալի գույնը և ձևը: